شاهنواز ايم. ڪي دل

شاهنواز ايم. ڪي دل: نوجوان ليکڪ ۽ ڊاڪٽر شاهنواز ولد مجنون خان- دل، 22 مئي 1974ع تي ڳوٺ يار محمد دل تعلقي ٽنڊي باگي (ضلعي بدين) ۾ جنم ورتو. پرائمري تعليم ڳوٺ مان، سيڪنڊري ديهه 170 ڊگهڙيءَ جي اسڪول مان جڏهن ته انٽر گورنمنٽ اسلاميه ڪاليج بدين مان 1992ع ۾، ايم. بي. بي. ايس لياقت ميڊيڪل ڪاليج ڄامشوري مان 1998ع ۾ ڪيائين. هن 2006ع ۾ سائيڪاٽرڪ ميڊيسن ۾ ڊپلوما ڪئي. پاڻ 2005ع کان 2010ع تائين ايم. ڊي سائيڪياٽري واري تربيت ورتي، جڏهن ته منشيات جي علاج جو آمريڪن امتحان ICAP-1 2015ع ۾ پاس ڪيو. هن وقت هيءُ سنڌ جي مشهور نفسياتي علاج واري اداري ’سرڪائوسجي انسٽيٽيوٽ آف سائيڪيٽري، حيدرآباد ۾ سائيڪيٽرسٽ طور خدمتون سر انجام ڏئي ٿو. پاڻ WHO جي مينٽل هيلٿ گيپ پروگرام جو حيدرآباد لاءِ ڪوآرڊينٽر پڻ آهي. قومي ۽ بين الاقوامي ڪانفرنس ۾ مقالا پيش ڪري چڪو آهي. پاڻ لياقت ميڊيڪل ڪاليج ۾ پڙهڻ دوران ادبي رسالن ’ڪينجهر‘ ۽ ’ادب‘ ۾ ڪهاڻيون لکندو رهيو ۽ ان عرصي دوران ٻارن جو رسالو ‘ماڪ ڦڙا’ پڻ دوستن سان گڏجي جاري ڪيائين. 1992ع کان سنڌي اخبارن ۾ لکندو رهي ٿو. صحت، سماجي، سياسي ۽ عالمي مسئلن تي سندس ڪالم به مختلف اخبارن ۽ رسالن ۾ شايع ٿيندا رهن ٿا. 2011ع کان ا‘ايم ڪي هيلٿ مخزن’ جاري ڪيو، جنهن جو پاڻ چيف ايڊيٽر آهي. پاڻ ‘ڪلياڻ’ ۽ ‘پڙاڏو’ اخبارن جو اعزازي چيف ايڊيٽر آهي.
2009ع ۾ ڊاڪٽر شاهنواز پنهنجي والد جي نالي سان منسوب ايم. ڪي جنرل اسپتال حيدرآباد ۾ قائم ڪئي، جتي فلاحي مقصدن تحت مناسب فيس تي منشيات ۽ نفسياتي بيمارين جي علاج جون جون سهولتون موجود آهن. پاڻ بدين ۾ هر آچر تي مفت او پي ڊي ڪندو آهي. ڊاڪٽر شاهنواز دل، هنياتي ۽ طب، نفسيات جي مختلف اصطلاحن ۽ لفظن جي ڊڪشنري ترتيب ڏيڻ سان گڏ نفسياتي بيمارين بابت آگاهيءَ تي ڪتاب ترتيب ڏئي رهيو آهي.

داخلا ۾ استعمال ٿيل تاريخون

1974.05.22  عيسوي

ڊاڪٽر شاهنواز ولد مجنون خان- دل، 22 مئي 1974ع تي ڳوٺ يار محمد دل تعلقي ٽنڊي باگي (ضلعي بدين) ۾ جنم ورتو.

شخصيتون - ڀاڱي جون ٻِيون داخلائون